REGALA AS TÚAS PALABRAS

10 de Decembro, día Internacional dos Dereitos Humanos. 

Os alumnos/as escribiron mensaxes de ánimo a Omid, Wafae, Yves e Fred, para facerlles saber que non están sós /soas. 
Amnistía Internacional considéraos presos e presas de conciencia e pide a súa liberdade inmediata e incondicional. 

Yves e Fred son dous mozos que viven na República democrática do Congo . Fred ten un blog, gústalle o fútbol e a natureza.  Yves é artista gráfico,  gústalle o cine.  Pertencen a un movemento xuvenil que se chama Filimbi, que significa “asubío” en galego, e están encarcerados por promover a democracia. 

O científico iraniano Omid Kokabee, 33 anos, está en prisión por negarse a traballar en proxectos de investigación militar para Irán. 

Wafae Charaf de 26 anos, activista política e membro da Asociación Marroquí de Dereitos Humanos, cumpre unha condena de tres anos de prisión. Foi acusada de difamación por denunciar que sufriu torturas.