CAMPAÑA DE RECICLAXE DE MÓBILES PARA PROTEXER OS ECOSISTEMAS AFRICANOS

Recollemos os vosos móbiles vellos e ademais de coidar o medio ambiente conseguimos apadriñamentos de chimpancés do Instituto Jane Goodall.

En España existen máis de 56.000.000 de liñas de teléfonos móbiles para uns 47.000.000 de habitantes. A este impresionante número de terminais deben engadirse aqueles móbiles máis antigos que se cambian por outros e que os cidadáns gardan ou tiran ao lixo, sendo a taxa de reciclaxe menos do 5%. Ao mesmo tempo, a explotación do coltan, un valioso mineral que fai posible a tecnoloxía dos nosos móbiles, computadores e consolas, está no centro dos enfrontamentos que producen milleiros de vítimas e refuxiados na República Democrática do Congo. A minería ilegal destrúe ademais os hábitats de especies como os chimpancés e gorilas, en grave perigo debido á caza furtiva e a deforestación. 

Se achegas o teu móbil en desuso ao cole podes axudar a: 

REUTILIZAR terminais e reducir a insostible demanda dos seus compoñentes. 

RECICLAR elementos útiles e dispor adecuadamente de materiais tóxicos, evitando a contaminación do medio. 

RECADAR FONDOS PARA OS PROGRAMAS DE DESENVOLVEMENTO, EDUCACIÓN E CONSERVACIÓN DO CONGO, como o do Centro de Recuperación de Chimpancés do Instituto Jane Goodall en Tchimpounga. Alí cóidase de máis de 150 chimpancés rescatados e realízanse programas de desenvolvemento sostible coa comunidade local.