O noso proxecto "Creando Igualdade" segue crecendo pouco a pouco. Neste mes de xaneiro as actividades principais centráronse na reflexión e procura de estereotipos sexistas tanto nos contos coma na publicidade e nas series de debuxos animados.
As aulas dedicadas á publicidade fixeron unha análise de todos os spots publicitarios aos que estivemos expostos a pasada campaña de Nadal, e chegaron a conclusións comas as seguintes:
- os anuncios de coches de xoguete sempre son protagonizados por nenos ao igual que os das bonecas por nenas. As bonecas as presentan en profesións dedicadas á atención dos outros: amas de casa, enfermeiras, mestras,...non atoparon ningún anuncio onde as nenas teñan o papel de astronautas ou mecánicas, por exemplo.
- déronse conta do papel de coidadoras que se lle atribúe ás mulleres e en contraposición destacaron dos homes o papel de aventureiro e heroes, sempre máis fortes.
- en canto aos canons de beleza, ámbolos dous seguen prototipos similares: mulleres altas e esveltas, homes musculosos.
As aulas centradas nos contos estudan os roles de Sherlock Holmes e Mary Poppins e afondan noutros contidos que, á vez, melloran a competencia lingüística. Así é algún do material elaborado polas mestras para introducir novos contidos e levar a cabo unha gamificación que motive ao alumnado e lle dea coherencia a toda a trama do proxecto.
No hay comentarios:
Publicar un comentario