CREANDO IGUALDADE CON XAN EGUÍA

Como apoio ao proxecto "Creando Igualdade", ao redor de contos infantís, películas, publicidade e a súa relación con temáticas de xénero e igualdade, Xan Eguía, mestre e licenciado en Filosofía, levou a cabo un taller  baseado nunha actitude crítica e "filosófica" ante o tema a tratar.

Guiou ao alumnado  cara a pregunta "por que" ante calquera imaxe ou estereotipo que atopamos. Para iso, remontáronse aos mitos e mesmo a patróns estéticos acerca da muller na pintura do século XIX, o cinema, a publicidade, o cómic, a literatura ou as películas infantís. 

Para dar sentido ao aprendido, analizaron finalmente imaxes moi diversas para aprender a recoñecer todos estes patróns, estereotipos e arquetipos.