A recollida de móbiles vellos dentro do programa "Movilízate por la Selva" estanos a traer boas novas a miúdo. Despois de Anzac, Cheemppo e Hiila sumamos a Kudia ao noso grupo de chimpancés apadriñados.
As noticias que nos chegan de Kudia e do resto dos nosos chimpancés apadriñados é que seguen adaptándose e gozando de nova vida na illa de Tchindzoulou. Os coidadores do Instituto Jane Goodall supervisan a Kudia e as súas compañeiras a medida que exploran o bosque da illa. A súa dieta diaria consiste en bananas, papaias laranxas, pomelos, piñas, sandías, patacas, pementos , arroz cocido, puré de soia e algunhas verduras. O persoal do IJG prepara coidadosamente todos os alimentos no campamento e póñenos en caixas para logo subilas a un barco que cruza o río Kouilou para chegar ata a illa onde están.
Kudia e os demais esperan con impaciencia e entusiásmanse anticipando o momento da comida, abrazándose e gritando mentres esperan.
No hay comentarios:
Publicar un comentario