Día da ciencia
A clase dos pingüíns celebrou o día da ciencia cunha actividade conxunta coa Residencia de maiores. Os máis pequenos ensináronlles como funcionaban os robots e tamén realizaron debuxos para ver despois coa luz negra. Foi toda unha experiencia, sen dúbida temos que repetir!
#equipodeconvivenciapdb
Colaboración contra o cancro
Comezamos este curso cunha acción solidaria na que colaborou todo o noso alumnado e profesorado xunto coa Residencia de maiores de Arteixo. Cada un de nós elaborou unha flor que foi doada á Asociación contra o Cancro. Todas as persoas que vaiades á cea solidaria o próximo 18 de novembro poderedes ver e disfrutar do noso traballo!
#equipodeconvivenciapdb
Patios inclusivos
Cremos que a mellor maneira de aprender é a través do xogo. O xogo permítenos aprender a relacionarnos cos demais, interactuar, resolver conflitos, traballar as esperas, as quendas... Por todo isto, este curso púxemos en marcha os patios inclusivos en 4º e 5º de Educación Infantil. Colaborou connosco o alumnado de 5º de Educación Primaria nunha experiencia que foi moi enriquecedora para todas e todos.Aquí tedes un pequeno resumo do proxecto.
#porunmundomáisinclusivo #equipodeconvivenciapdb
Colaboración coa residencia de maiores e a Asociación contra o cancro de Arteixo
A semana pasada a clase das rás de Educación Infantil participou nunha tarefa moi especial, colaborar coa Asociación contra o cancro de Arteixo. Maiores, nenos/as e familias traballamos conxuntamente para realizar "Almofadas de corazón", un pequeno coxín que está indicado para ser empregado polas mulleres recén operadas de cancro de mama.
Residencia de maiores de Arteixo
O alumnado de 3º e 4º de Educación Primaria tivo a oportunidade de compartir uns días cos maiores da Residencia de Arteixo. Con eles aprendimos diferentes xogos e cancións populares. Pasámolo moi ben xuntos!
2 de abril: Día mundial de concienciación sobre o autismo
Aquí tedes unha pequena mostra do traballo realizado en Educación Infantil para conmemorar esta data tan importante para todos e todas. Escolleuse o símbolo do infinito de cores, xa que está moi vinculado á descrición do termo TEA, é un espectro, unha condición diversa.
Con cores e globos fomos representando este infinitivo, facendo unha gran festa multicolor, xa que, todos xuntos podemos conseguir un mundo máis inclusivo.
