TALLERES DO CIM SOBRE IGUALDADE DE XÉNERO

Dende o 26 de novembro ata hoxe estivéronse a realizar os talleres ofertados polo CIM de Arteixo para traballar a igualdade de xénero. 

Leváronse a cabo nos niveis de 1º, 3º e 5º de Educación Primaria.

No caso de 1º e 3º a dinámica xirou entorno á visualización de contos cos seguintes obxectivos:

- Favorecer a identificación de roles sexistas transmitidos nos contos tradicionais.

- Facilitar a reflexión do alumnado sobre o papel de homes e mulleres nunha sociedade avanzada e igualitaria.

- Fomentar o uso non sexista da linguaxe.

En 5º nivel o traballo centrouse en valorar a riqueza que supón para todos e todas as diferenzas por razóns de sexo. As actividades propostas pretenderon por en valor a autonomía e a importancia de ser persoas capaces de valernos por nos mesmas. 

ELA...QUEN VEN SENDO?

“Ela...quen ven sendo?” é un proxecto posto en marcha no cole co que coñecemos moito máis da biografía de mulleres galegas emblemáticas.

Son arquitectas, escritoras, políticas, mestras... que fixeron grandes contribucións sociais e conseguiron importantísimos avances na conquista da igualdade entre homes e mulleres. 

O proxecto lévase a cabo co fondo bibliográfico subvencionado polo CIM de Arteixo e conta con coleccións coma a de “Mulleres bravas da nosa historia” da editora Urco, “Pioneiras” de Xerais e “Mulleres galegas”de edicións Lela.

1 de Outubro, Día Internacional das Persoas Maiores

 

Sen palabras. 

Así estamos os que hoxe compartimos tempo, espazo, vida, risas, xogos e palabras cos nosos maiores. 
A rapazada de 5ºC festexou hoxe o Día dos Maiores con eles, cos nosos maiores residentes no Centro da terceira idade de Arteixo. Eles viñeron visitarnos, emocionados, expectantes e nerviosos e o alumnado recibiunos con alegría e tamén con certa expectación.
Charlaron sobre a vida, a duns e a doutros, e déronse conta do diferentes que son nuns aspectos pero no que se parecen noutros moitos. Tanto foi así, que ata descubriron aficións en común: cabalos, vacas, coches… cousas que nos unen e espertan os mesmos sentimentos.
Estaba programada unha hora de charla e outra de xogos…pero ao final, case que as dúas horas se convertiron en charlas onde intercambiaron experiencias, fazañas, aventuras e risas, moitas risas. Os últimos minutos adicados ao xogo descubriron tamén coincidencias: moitos son xogadores de brisca e de parchís.
Moitas grazas Pilar, Jesusa, Marina, Plácida e Juan pola visita convertida en lección de vida. E lembrade… quedades emprazados para, dentro de non moito tempo, volver a compartir con todos nós o voso tempo!

SENTIR-PENSAR-FACER

Dende o 26 de novembro ata o 3 de decembro estivéronse a desenvolver unhas charlas, destinadas ao alumnado de 1º a 4º de Educación Primaria.

Ditas charlas foron subvencionadas polo CIM e desenvoltas pola Prof. Dra. Andrea Cristina Ramallo Machín, Abogada, Licenciada en Historia, Doctora con Sobresaliente Cum Laude en Dereito Liberdades Públicas e Dereitos Fundamentais por la Universidade da Coruña.

O obxectivo principal era dar a coñecer os dereitos dos nenos e nenas, reflexionar sobre eles para poder posibilitar relacións sociais entre o alumnado fomentando a empatía, creando e potenciando habilidades comunicativas e desenvolvendo estratexias para resolver conflitos interpersoais.

Con todo isto pretendeuse a súa vez aumentar a autoestima do alumnado para repercutir positivamente no seu rendemento escolar e na súa felicidade.

Estas dinámicas permítennos tamén previr e detectar o acoso escolar.

Só dende unha educación e unha socialización igualitaria e democrática seremos capaces de identificar e eliminar os nosos propios prexuízos para non trasladalos á vida dos demais.

VIII SEMANA INTERCULTURAL: VIVIMOS E CONVIVIMOS.

A semana  do 19 ao 23 de marzo estivemos a celebrar a nosa tradicional semana intercultural. E xa van oito!

A ONG Mestura organizounos uns talleres moi interesantes para fomentar a tolerancia e o respecto co fin de mellorar a nosa convivencia.

4º, 5º e 6º DE INFANTIL, 1º e 2º DE EDUCACIÓN PRIMARIA

"PICA E PINCHA"

Por medio dun teatrillo expuxéronse diferentes situacións de rexeitamento habituais nestas idades. Pretendeuse deste xeito concienciar sobre a tolerancia e desenvolver actitudes de empatía.

Ao finalizar levouse a cabo unha actividade na que os nenos e nenas puideron experimentar, a través do tacto, sensacións agradables e desagradables. Deste xeito puideron sentir como temos diferentes tipos de sensacións e sentimentos para facilitar a súa interiorización e poder entender conflitos cos que se enfrontan diariamente.

Os nenos e nenas de primaria realizaron tamén a actividade das "Palabras Prohibidas" na que por medio da exposición de cinco viñetas o alumnado tivo que asociar e  recoñecer vocabulario que expresa sensacións agradables e outras incómodas.

VIII SEMANA INTERCULTURAL by Slidely Photo Gallery


3º e 4º DE EDUCACIÓN PRIMARIA
"EMPATIZA"

Para estos niveis a actividade constou de dúas partes; por un lado, unha dinámica expositiva onde se abordaron conceptos necesarios para favorecer a convivencia na escola, e por un outro, visualizouse unha situación de abuso próxima a realidade dos nenos e nenas (burla cara a compañeiros/as de outras culturas ou conflitos no recreo) coa finalidade de analizar a súas impresións e xerar actitudes de empatía e respecto pola diferenza. 

VIII Semana Intercultural de equipoconvivencia

5º E 6º DE EDUCACIÓN PRIMARIA
"ÉRASE UNHA VEZ..."

A actividade buscou xerar pequenos textos ou contos onde o propio alumnado expresara a súas ideas acerca do que consideran “diferente” facendo especial fincapé nas diferenzas culturais.
Traballouse a temática por medio de películas, novelas e series coñecidas por todo o alumnado tratando os tópicos co obxectivo de detectalos, facelos conscientes deles e poder evitalos.

VIII SEMANA INTERCULTURAL by Slidely Photo Gallery

20 DE NOVEMBRO, DÍA DOS DEREITOS DO NENOS/AS: O MURO DOS DEREITOS

O pasado 20 de novembro, aproveitando a celebración do día Internacional dos Dereitos dos Nenos e Nenas, visitounos a Concelleira da Área de Servizos Sociais e da Área de Benestar Comunitario de Arteixo, Dna. Inés Ramos Álvarez, para achegarnos os resultados dos traballos realizados na VII Semana Intercultural celebrada o curso anterior.

Dos dereitos maiormente elixidos polo noso alumnado atópanse:

1º  Dereito ao xogo.

2º Dereito á educación.

3º Dereito á igualdade.

  

Grazas ao Concello por axudarnos na nosa labor de difundir, defender e protexer os Dereitos de tódolos Nenos e Nenas.

ASÍ FOI A NOSA SEMANA INTERCULTURAL!

A semana do 4 ao 8 de abril celebramos a  VI semana Intercultural que levou por título "O Muro dos desexos" e que xirou entorno  á sensibilización e coñecemento da situación de miles de refuxiados. 
Entre todos/as elaboramos un muro no que todo o alumnado e o profesorado poido expresar os seus desexos para a paz e unha mellor convivencia. 
No 1º e 2º nivel de Educación Primaria disfrutaron dunha representación teatral para explicarlles a que é a migración forzosa e que significa ser refuxiado/a. 

convivencia pdb de Slidely by Slidely Slideshow

No 3º e 4º nivel analizaron, a través de fotografías, as causas e consecuencias dos procesos migratorios. Ademais tivemos a sorte de poder contar co relato en primeira persoa dunha nai que viviu esa experiencia. 

convivencia pdb de Slidely by Slidely Slideshow

Nos niveis de 5º e 6º contamos coa presenza de Alfonso Mascuñana que nos relatou a súa fascinante experiencia como voluntario cos refuxiados/as en Lesbos. 

convivencia pdb de Slidely by Slidely Slideshow

Moitas grazas a toda a comunidade educativa pola vosa participación. Foi unha semana moi intensa e emotiva para todos e todas. 

VI SEMANA INTERCULTURAL: O MURO DOS DESEXOS.

O Equipo de Convivencia en colaboración co Concello de Arteixo e a ONG Ecos do Sur organiza a VI Semana Intercultural que este ano xira en torno aos refuxiados e refuxiadas. 

Este é o programa previsto: 

Vi semana intercultural1 from equipoconvivencia

A DIVERSIDADE ESTÁ EN TODAS PARTES

ACTIVIDADES DO CONCELLO DE ARTEIXO NO CICLO DE EDUCACIÓN INFANTIL

Ana, mediadora do Concello resumiunos moi ben a actividade diversit@s que se desenvolveu no mes de febreiro en Educación Infantil.

A diversidade está en todas partes, nas persoas, nos animais, nas plantas, nos lugares, nas familias,... O mundo está cheo de “diversidade”, de diferenzas,... O mundo é diverso e quizá sexa isto o que o fai tan bonito. 

Nembargantes, a pesar de ser diferentes temos moitas cousas en común, gústanos xogar, os abrazos de papá e mamá, o recreo, etc.

A convivencia implica relacionarse con outras persoas que pensan e senten de xeito diferente.

Todo isto o vimos na actividade trimestral de diversit@s onde o pasamos bomba .

@s peques de 4º e 6º de infantil do CEIP Ponte dos Brozos, foron  quen de conseguir o carné de diversit@s  onde cada un/ unha de nós aprendemos que a diversidade é divertida, creativa e necesaria, para ter experiencias enriquecedoras que nos proporcionen momentos de felicidade ó longo da nosa vida.

Prometemos que íamos volver no seguinte trimestre, e farémolo!!! Temos moitas aventuras interculturais que propoñervos, diversit@s!! Ata pronto!