Con motivo da celebración, o 10 de decembro, do Día Internacional dos Dereitos Humanos, fixemos en 6º curso de E.P. dúas accións da Rede de Escolas polos DDHH de Amnistía Internacional:
"Regala as túas palabras" é unha iniciativa que consiste en escribir postais a presos e presas de conciencia, manifestándolle a nosa solidariedade. Ao recibilas, aínda que sexa nun idioma que non comprenden, saberán que a súa inxustiza é coñecida, que no son vítimas esquecidas e ademais axudarán a que a súa situación cambie.
Os tres casos do 2018 foron liberados. Este ano traballamos en favor de: Tashi Wangchuk (China), Anastasia Shevchenko (Rusia) e José Guía (Cuba).
Maratón 10 decembro, recollemos sinaturas para que mellore a
situación de:
Marinel Sumook, activista polo cambio climático. Sarah Mardini e Sean Binder, en risco de ir ao cárcere por axudar ás persoas
refuxiadas. Yasaman Aryani,desexa que as mulleres decidan libremente levar ou
non o veo, foi condenada a 16 anos de prisión.
E para chegar ata estes niveis de reflexión, o traballo debe de comezar dende idades temperás. Un exemplo do traballo na etapa de infantil é o da aula das Ras (5ºA).
Investigaron sobre que era iso dos dereitos humanos e chegaron a conclusión de que todos os nenos e nenas do mundo deben ter dereito, entre outras moitas cousas: a unha casa, a un cole onde aprender moitas cousas, a unha gardería, a un prato de lentellas, a unha profe que lles diga “Ola cariño”, a unha mochila chula para levar o taper da merenda, a uns pais que os coiden, a unha pediatra que lles poña o termómetro… e sobre todo a ter sempre un gran sorriso.
E para chegar ata estes niveis de reflexión, o traballo debe de comezar dende idades temperás. Un exemplo do traballo na etapa de infantil é o da aula das Ras (5ºA).
E para festexar o dia construíron entre todos/as un poboado de Nadal cheo de bos desexos.
