RECADACIÓN MARCAPÁXINAS SOLIDARIOS SAVE THE CHILDREN

Hoxe fixemos o ingreso da recadación dos marcapáxinas solidarios de Save the Children. 

Grazas a todos e todas conseguimos xuntar 1001,13 €. Nesta edición os cartos van destinados a programas contra a desnutrición infantil no Corno de África,  unha das rexións máis pobres do mundo onde a fame é unha ameaza constante. Ademais sofre unha seca sen precedentes debido ao cambio climático e hai máis de dous anos que non chove o que supón falta de auga potable e morte do gando.

Moitas grazas a toda a comunidade educativa por acoller sempre tan ben as accións solidarias organizadas polo cole. 

MARCAPÁXINAS SOLIDARIOS "SAVE THE CHILDREN"

Este ano puidemos retomar a actividade solidaria organizada por Save the Children que quedara pendente o curso pasado por mor da pandemia. 

O alumnado de 1º a 3º máis a aula de 5ºC de E.P. participaron na decoración dos tradicionais marcapáxinas e no seu intercambio por donativos entre os seus achegados. Entre todos e todas conseguimos xuntar 934,50 € que irán destinados a axudar e defender o dereito á educación dos nenos e nenas refuxiados rohingya. 

Algúns datos...

Quen son os rohingya?

Os rohingya son unha etnia que vive no norte de Myanmar (antiga Birmania). Son musulmáns e, por esta razón, son perseguidos e expulsados ao país veciño, Bangladesh, en concreto aos campos de refuxiados de Cox's Bazar. Levan a sufrir represalias desde 2017. Myanmar non os considera cidadáns e actúa contra eles con violencia e a única solución que atoparon foi fuxir e depender da solidariedade internacional. 

E agora, coa COVID-19, como viven?

Os rohingya viven amoreados, porque o distanciamento social e o autoillamento non son posibles. Os seus refuxios son de bambú e lona. As prácticas de hixiene máis básicas, como o lavado frecuente de mans, son complicadas porque a auga limpa escasea. Para estas persoas todo é máis difícil agora. 

Cal é a labor de Save the Children?

Save the Children conta con 100 traballadores e traballadoras sanitarias. Proporcionan información, atención e servizos de saúde nun centro de illamento para COVID-19, con apenas 20 camas para coidados críticos. Coidan da nutrición, educación e protección das nenas e nenos refuxiados rohingya. 40% destas nenas e nenos refuxiados teñen medo de morrer ou perder un familiar por mor da COVID-19 e calcúlase que o 70% das nenas e nenos precisan acceso a saúde mental. 

Por todo isto e por demostrar que o Ponte dos Brozos é un cole solidario...MOITÍSIMAS GRAZAS!

SOMOS PARTE DA SOLUCIÓN

Hoxe fixemos o ingreso dos cartos recaudados polas aulas participantes na XI Edición do Marcapáxinas Solidario. Nada máis e nada menos cun total de 1373,08 €! Este donativo vai destinado aos programas de Save the Children que teñen como obxectivo principal asegurar que miles de nenos e nenas de países en guerra poidan ir á escola. 

Moitísimas grazas pola vosa implicación e compromiso.

XI EDICIÓN DO MARCAPÁXINAS POLA SOLIDARIEDADE

Xa temos todo preparado para colaborar un ano máis con "Save the Children" na campaña "Marcapáxinas pola solidariedade". Este ano farano 1º, 2º e 4º de Educación Primaria. 

A actividade pretende espertar a emoción e implicación por formar parte dun mundo máis xusto a través do fomento da lectura. 

Coma anos anteriores o alumnado realizará nas aulas unha actividade para coñecer a situación dos nenos/as refuxiados/as e decorará un marcapáxinas que lle ofrecerá á familia a cambio dun donativo. O cole recollerá eses donativos e llos fará chegar a Save the Children quen inverterá en proxectos de educación, supervivencia e protección dos menores vítimas de conflitos armados. 
O alumnado participante recibirá un diploma de agradecemento. 

Tendes máis información no seguinte enlace Save the Children

Moitísimas grazas pola vosa participación!

RECADACIÓN PARA A ONG "SAVE THE CHILDREN"

Coa actividade dos "Marcapáxinas Solidarios" e a solidariedade do alumnado, do profesorado e das familias de 2º, 3º e 6ºpuidemos recadar 1440,79 € que serán destinados a salvar ás vidas de moitas crianzas en perigo de morte pola falta de sanidade, auga potable e comida. 

MOITÍSIMAS GRAZAS!

MARCAPÁXINAS POLA SOLIDARIEDADE

X Edición Día do libro Solidario cos cativos e cativas de Sudán do Sur. 

Sabiades que 1,4 millóns de pequenos e pequenas están en risco de morrer de fame en países coma Sudán do Sur, Somalia, Nixeria e Iemen?

A maioría poderanse curar se os tratan a tempo. Con alimento terapéutico, atención médica axeitada, acceso a auga potable e educación podemos salvarlles a vida a milleiros de cativos e cativas. 

Por iso, un ano máis o noso cole vai participar na actividade organizada por Save the Children "Marcapáxinas pola solidariedade". Este ano os niveis participantes serán 2º, 3º e 6º. 

En que consiste a actividade?

A cada neno/a se lle facilitará un modelo con 5 marcapáxinas e se lle explicará a situación dos rapaces e rapazas dos países máis vulnerables.

O alumnado do noso centro terá que buscar lectores solidarios aos que lles van a ofrecer os marcapáxinas personalizados por eles dándolles a opción de mercarllos e destinar a recadación aos países mencionados anteriormente. 

Os alumnos/as entregarán os cartos no cole e dende aquí farémosllos chegar a Save the Children. 
O alumnado recibirá un diploma de agradecemento como o que vedes nesta foto:

Tendes máis información no seguinte enlace:

Save the Children- Marcapáxinas

Trátase de gozar dun Día do Libro especial, fomentando a solidariedade e a empatía. 

Parabéns e grazas a todos/as polo voso esforzo!

MARCAPÁXINAS "SAVE THE CHILDREN"

Neste curso  colaboraramos por 4ª vez coa  ONG Save the Children, entidade que está a protexer á infancia dende o ano 1919, traballando en diversas áreas: educación, saúde, nutrición, traballo infantil etc.

Este ano o programa  Marcapáxinas pola Solidariedade:, estivo  destinado  a Emerxencia: fame no Sahel. A solidariedade das familias foi impresionante, todo un récord: 1527,33