EU PLÁNTOME POLO CLIMA!

O pasado venres 25 de marzo, toda a rapazada do cole uniuse á convocatoria que fixeron as nenas e nenos de 6º de Primaria para manifestarnos polo clima, coincidindo coa Folga que tódolos anos convoca Fridays for Future, rapaces e rapazas de todo o mundo que loitan porque os gobernos tomen medidas para reducir as emisións de gases que están a subir perigosamente a temperatura do noso planeta. Este ano o lema era “Eu plántome polo clima”. Ademais, todos os cursos elaboraron pancartas con diferentes lemas que nos lembran que debemos coidar o noso planeta. A manifestación percorreu todo o recinto escolar berrando consignas polo clima e rematou diante do horto “plantándonos” e cantando polo clima.

PESCADORES SOSTIBLES, GRAZAS.

Este mes, no cole, participamos nunha iniciativa educativa moi interesante de Teachers for Future Spain en colaboración con MSC (Marine Stewardship Council) chamada “Mares para sempre”. O que fixemos foi escribir e debuxar postais a pescadores sostibles. Primeiro informámonos sobre o seu traballo, que nos parece importantísimo. Estes pescadores evitan a sobrepesca e coidan os ecosistemas mariños. Na postal agradecémoslles o seu bo labor e aproveitamos para facerlles preguntas sobre o seu traballo. Estamos desexando recibir as súas respostas!

#Maresparasempre #Maresparasiempre @MSCpescasostenible @TeachersForFutureSpain

PORQUE A PRIMEIRA "R" É A REDUCIÓN

Comezamos o curso con folgos renovados e moitas ganas de seguir traballando e educando para facer consciente a toda a comunidade educativa da importancia e a urxencia de coidar o medio ambiente. 

Queremos continuar un curso máis co programa "Recreos Residuos Cero" promovido polo colectivo Teachers for Future e recordar a todo o alumnado, ás familias e ao profesorado de que a redución de residuos é o primeiro que temos que lograr para ser respectuosos e respectuosas coa nosa contorna. 

Podemos comezar coas merendas do recreo! Lembrade utilizar envases retornables coma friameiras para evitar envolver os alimentos en plásticos ou papel de aluminio, e cantimploras para non ter que tirar tódolos días unha botella de plástico. 

O Equipo de Convivencia Escolar coa axuda do Equipo de Dinamización da Lingua Galega e de alumnado de 6º elaboramos este vídeo que explica o importante que é reducir e como podemos facelo. 

SÚMATE AOS RECREOS RESIDUOS CERO!

QUERES MERGULLARTE NOS NOSOS OCÉANOS?

Co gallo do Día Mundial dos Océanos varios corredores do cole convertéronse en océanos cheos de vexetación e animais mariños. Aquí tedes unha mostra:

EDUCACIÓN INFANTIL

E ademais de todo isto, varias mestras e alumnado de infantil inventaron un conto que leva por nome "Papón Comebasura" e o compartiron con todo o cole. Grazas polo voso traballo! Botádelle un ollo para coñecer quen é Papón e cal é o seu traballo. 

2º NIVEL DE E.P.

Na clase de inglés tamén tiveron ocasión de falar sobre a importancia do coidado dos océanos e resultou unha boa oportunidade para aprender novo vocabulario.

3º NIVEL DE E.P.

(Picade no vídeo para ver os corredores de 3º)

5º NIVEL DE E.P. 

22 DE ABRIL, DÍA DA TERRA

Hoxe, 22 de abril, Día da Terra, parécenos un bo momento para volver a recordar a importancia e a urxencia de coidar do noso planeta. Esta necesidade está directamente relacionada co noso propio benestar, polo que pequenos xestos cotiás mellorarán os dous aspectos: medioambiente e saúde. 

Con estas imaxes elaboradas polo colectivo "Teachers for Future" do que formamos parte, volvemos a animarvos a traer merendas saudables e respectuosas co medio ambiente. 

Coida ao planeta! Coida a túa propia saúde!

SÚMATE Á MODA DO PACKAGING NATURAL!

Seguimos co noso empeño de reducir os residuos nas merendas para poder acadar  RECREOS RESIDUOS CERO. 

O mellor xeito e o máis saudable é consumindo froita. Por que non apuntarnos á moda do “Packaging natural” e terminar cos produtos procesados? Non son saudables e ademais xeran residuos plásticos que soen terminar nos vertedoiros ou contaminando a nosa contorna!

MÁIS FROITA = MÁIS SAÚDE E MENOS RESIDUOS

SÚMATE!

FOLGA POLO CLIMA

O pasado venres 19 de marzo o movemento ecoloxista Xuventude polo Clima (Fridays for Future) organizou unha folga internacional co lema "Non máis promesas baleiras". Con esta folga pretendeuse esixir aos líderes internacionais medidas concretas, inmediatas e ambiciosas en resposta a actual crise climática. 

No cole a celebramos o xoves 18 e aquí tedes unha escolma dalgúns dos momentos e das pancartas que se elaboraron para tal fin. Para poder vela preme na imaxe.

MANIFESTO

Hai cinco anos, os líderes mundiais asinaron o Acordo de París e prometeron manter o aumento da temperatura moi por debaixo dos 2ºC e intentar deixalo en 1,5ºC para salvagardar as condicións de vida futuras.

Desde entón ocorreron moitas cousas. Estes cinco anos foron os máis cálidos rexistrados, tamén emitimos máis de 200 xigatoneladas de CO e estamos a sufrir unha gran pandemia causada pola destrución dos ecosistemas. Pero seguimos sen ver a acción inmediata e necesaria.

Levamos moito tempo distanciándonos da natureza, gastando demasiados recursos, maltratando ao planeta, o noso único fogar, vivindo como se non houbese un mañá. A este ritmo alcanzaremos 1,5ºC en 7 anos, moito antes de conseguir os nosos obxectivos no 2030 ao 2050. Pero hai esperanza porque a xente aínda non está ben informada. Non podemos resolver unha crise sen tratala como unha crise. Temos que comprender a emerxencia, así que, fagamos que sexa a nosa prioridade principal. Unámonos e difundamos a información. Cando todos sexamos conscientes da situación poderemos actuar. Entón o cambio chegará. Esta é a solución. Nós somos a esperanza. Nós, a xente.

Greta Thunberg

ACCIÓNS POLO CLIMA

A pesar das adversidades deste curso temos moi claro que a educación ambiental ten que ocupar un lugar importante na formación dos nosos rapaces e rapazas. A conciencia ecolóxica ten que ser desenvolvida ao longo de toda a vida polo que profesorado, familias e o resto da comunidade educativa temos que seguir aprendendo e esforzándonos para mellorar os nosos hábitos, actitudes e condutas e procurar un mundo máis saudable e sostible. 

Lembrámosvos que o cole participa no Programa RECREOS RESIDUOS CERO e no Proxecto DESPLASTIFÍCATE, ámbolos dous pretenden eliminar o uso de plásticos dun só uso así como a reutilización e a correcta reciclaxe dos mesmos. 

Lembrade!

UN CURSO MÁIS ÍMOS A POLOS RECREOS RESIDUOS CERO!

Un curso máis, o noso centro súmase ao programa Recreos Residuos Cero, iniciativa do colectivo "Teachers for future" (Profes polo futuro) e apoiada polo Ministerio de Transición Ecolóxica. 

Esta iniciativa trata de que toda a comunidade educativa camiñe xunta na redución dos residuos plásticos que creamos na nosa vida en xeral e nos recreos escolares en particular. 

Para iso, alumnado, familias, profesorado e demais membros da comunidade educativa debemos esforzarnos en cambiar e mellorar a nosa forma de consumo, envasado e transporte dos alimentos. Sabemos que cada persoa individualmente ten un enorme poder na redución de residuos plásticos.

Agora, nesta difícil situación sanitaria, máis que nunca é importantísimo concienciarnos do coidado do medioambiente, pois a súa saúde é a nosa. 

Por último, deixámosvos un vídeo e máis información interesante que vos axudará a poñer en práctica o reto Recreos Residuos Cero. 

XUNTOS CONSEGUIREMOS REDUCIR A NOSA PEGADA ECOLÓXICA!

CANTO TEMPO PERDURARÁN OS RESIDUOS DA TÚA MERENDA?

Tomamos prestada esta imaxe de Teachers For Future para seguir traballando e concienciado a toda a comunidade educativa sobre a importancia dunha redución e uso responsable dos plásticos. 

O feito de tirar un pequeno envoltorio de plástico ao chan parece algo insignificate pero sabemos realmente o tempo que tarda en degradarse? Somos conscientes de a onde vai a parar na maioría das ocasións? Que supón para a nosa saúde e a do planeta?

Cambiemos pequenos hábitos, ensinemos ás novas xeracións a valorar e coidar a contorna.

POR UN NADAL CONCIENCIADOS CO MEDIO AMBIENTE

Algunhas ideas do colectivo Teachers for Future, do que formamos parte, para facer destas datas unha oportunidade para seguir aprendendo e coidando o planeta.

FELICES FESTAS!

teachersforfuturespain.org

QUERIDA COP25

Esta semana na clase de 4ºC estivemos a falar da cumbre do clima, COP25, que se está a celebrar en Madrid e pareceunos interesante unirnos a unha proposta do colectivo “Madres por el clima” que consistía en escribir unha carta para expoñer nun mural no pavillón verde da sede da COP25. Nesa carta os nenos e nenas manifestaron as súas peticións aos gobernantes que alí se están reunindo. Mandamos un formulario co texto e unha foto de cada carta. No noso pavillón tamén fixemos o noso propio mural. Aquí vai unha mostra.

MANIFESTACIÓN POLO MAR MENOR

O pasado venres a clase de 4ºC de Primaria quixo mostrar o seu sentimiento de repulsa polo que está a acontecer no Mar Menor. Despois de ver na clase onde está e as causas da morte de tantos peixes, fixemos uns cartaces cos que salimos ao recreo para manifestarnos. Á nosa protesta, na que íamos coreando mensaxes de apoio á causa, fóronse unindo máis rapaces e rapazas que estaban no patio. Todo un éxito!

APRENDENDO A ALIMENTARNOS BEN

Todos e todas sabemos da importancia de alimentarnos ben. Co programa de Recreos Residuos Cero que estamos levando a cabo no colexio, que, por certo, está funcionando moi ben, non só estamos coidando do medio ambiente, senón que tamén estamos coidando a saúde dos nosos nenos e e nenas porque non traen tantas merendas de alimentos procesados. Estamos vendo que comen máis froita, froitos secos, máis biscoitos caseiros, ... E se algún se despista e trae algo empaquetado nalgunhas das aulas estamos a usar a aplicación "Yuka". Facendo unha foto ao código de barras do produto analiza o valor nutricional e os ingredientes, dinos o que non é bo e danos alternativas máis saudables. 

Podedes probalo tamén na casa tanto para alimentación como para cosmética!

ACTIVIDADES NA SEMANA POLO CLIMA

O venres 27 culminou unha semana chea de actividades a favor do coidado ambiental. 

Non remata aquí o traballo, queda moito por facer. Ao longo do curso levaremos a cabo outras accións coma a participación no programa "Recreos Residuos Cero", dotar aos patios de contedores amarelos para separar os plásticos e moitas outras que iremos contando pouco a pouco. 

Anímanos moito ver como o alumnado comeza a utilizar menos botellas de plástico, utiliza fiambreiras e ata se anima a decorar as camisetas con lemas a prol do coidado do planeta. Aquí tedes o exemplo de Enma de 1ºB, fantástica!

                               
A continuación un pequeno resumo das actividades realizadas do 23 ao 27 de setembro:
LUNS: UN MINUTO DE SILENCIO POLO CLIMA

Xuntámonos para reflexionar e amosar a nosa preocupación polo problema tan grave que estamos a vivir. Chamamos a atención de todos e todas cun minuto de silencio. 

MARTES: TODOS DE VERDE!

Demostramos que somos capaces de mobilizarnos por unha causa común.  Esta vez traendo todos algunha prenda ou complemento verde. 

Todos de verde! from equipoconvivencia
MÉRCORES: VISUALIZACIÓN DE CURTAMETRAXES.
Algúns deles podedeos ver premendo neste enlace: Teachers for Future

XOVES: ELABORACIÓN DE CARTEIS

O noso cole está repleto de artistas! Alumnado e profesorado fixeron un gran esforzo para decorar os corredores con murais tan espectaculares coma os que podedes ver a continuación: 

Murais from equipoconvivencia
VENRES: LECTURA DE MANIFESTOS A FAVOR DA PROTECIÓN AMBIENTAL

4 anos EDUCACIÓN INFANTIL:

O planeta é o noso fogar, coidémolo. 

5 anos EDUCACIÓN INFANTIL:

Apaga a luz

prende o planeta

salvemos o mundo

esa é a nosa meta. 

1ºEP:

Salvar o planeta é evitar que a natureza morra. Para iso temos que coidar o medio ambiente, para que non haxa choivas grandes nin incendios. 

O planeta é de todos e todas. Sálvao!

2ºEP:

O mundo cambiará co teu exemplo, non coa túa intención: reduce, reutiliza, recicla. 

3º EP:

Non contamines o planeta, non hai tempo que perder, só temos unha Terra. 

4ºEP:

Vivimos na Terra coma se houbese outra Terra onde ir. Contaminamos a auga, o aire, queimamos os bosques do noso planeta. Non hai planeta B. Coidemos o que temos!

5º EP:

Non queremos un medio ambiente, o queremos completo. 

6º EP:

Os nenos e nenas de 6º pensamos que a mellor ferramenta para combater o cambio climático somos nós!

Procuremos que os nosos actos sexan os correctos (reciclemos, reduzamos e reutilicemos)!! 

Salvemos o noso planeta!!

SEMANA POLO CLIMA

Ao longo da semana do 23 ao 27 de setembro imos a unirnos á campaña "Semana polo clima" e estas son as accións que levaremos a cabo:
LUNS: "Un minuto de silencio pola Terra" Cando algo grave acontece ao noso arredor, xuntámonos para mostrar a nosa tristeza, enfado, dor,…

Xuntarémonos todos e todas para facer un minuto de silencio pola Terra

MARTES: “Levar unha camiseta verde (ou calquera outra peza ou adorno verde) ao cole”.

Podemos afrontar o futuro con esperanza se nos mobilizamos todos e todas para conseguir que a situación cambie. Faremos todo o que poidamos!

MÉRCORES: “Proxección de curtametraxes” para axudarnos a ser conscientes do que está ocorrendo.

XOVES: “Realizar carteis polo clima” 

Plasmaremos as nosas ideas, queixas ou propostas.

VENRES: “Parón no patio cos carteis” Xuntarémonos para reivindicar a nosa preocupación polo planeta. 

RECREOS RESIDUOS CERO.

Empezamos un novo curso cheo de novos obxectivos e moita ilusión. 

Como docentes comprometidos coa Educación Ambiental e a loita contra a crise climática queremos concienciar a toda a comunidade educativa e implicarvos na redución da nosa huella ambiental. 

É por iso polo que decidimos participar no Programa RECREOS RESIDUOS CERO. 

Este programa é unha iniciativa do colectivo Teachers For Future Spain e centra os esforzos na redución dos residuos xenerados nos patios. 

Facendo pequenos cambios nos nosos hábitos podemos reducir o uso de envoltorios plásticos, tetrabricks, palliñas ou papel de aluminio, que tanto están a contaminar a nosa contorna.

Á hora de preparar as merendas procurade: 

- Substituír as bolsas de plástico polas bolsas de tea ou fiambreiras.

- Usar botellas de aluminio ou plástico para a auga ou o zume. 

- Evitar os cubertos plásticos. 

- Elixir como merenda froita, froitos secos, doces caseiros ou bocadillos no lugar de bolería industrial que é moito menos saudable e ven sempre con envoltorios plásticos. 

Entre todos conseguiremos educar a futuros adultos sensibles co medio ambiente, co desenvolvemento sostible e con hábitos de vida máis saudables.